بحث هذه المدونة الإلكترونية

Google News - Top Stories

إجمالي مرات مشاهدة الصفحة

الثلاثاء، 8 يوليو، 2014

قيم الركاع من ديرة عفج-الشاعر ملا عبود الكرخي

رحم الله الشاعر الشعبي عبود الكرخي..قصيدة قالها قبل اكثر من70 سنه كأنه يصف حالنا اليوم..(قيّم الرگاع من ديرة عفج)..
تشوفه هيبة وعنده لحية مسرحة
يشتم بلا خجل وبلا مستحه
من يحس المقعد اشوية اندحج
قيم الركاع من ديرة عفج
برلمان أهل المحابس والمدس
عكب ما جانوا يدورون الفلس
هسه هم يرتشي وهم يختلس
ولو نقص من راتبه سنت انعقج
قيم الركاع من ديرة عفج
أتشوف واحدهم معكل بالوقار
وبالاصل تاريخه أسود كله عار
بظرف تلث سنين مليونير صار
ايريد علوادم يعبره جلج
قيم الركاع من ديرة عفج
كمت ما اعرف حماها من الرجل
ياهو ال تكظه هو يمثل العدل
وكمنه نستوردالشلغم والفجل
لان كله ضلت ادور ودج
قيم الركاع من ديرة عفج
والله ضيعنه الصدك من الجذب
تشوفه هيبة وحجية المصفط عذب
ياخذك ويردك بشرق وغرب
وبسجاجينه يدجك حيل دج
قيم الركاع من ديرة عفج
حيل دوخني الحجي الي ماله ربط
وصار عندي سكر وحصبه وضغط
نفترش عاكول ونتغطه ابحسج
قيم الركاع من ديرة عفج
كمت ما اميز الذيب من الحمل
امنين ما ألتفت كلبي يشتعل
انه ما شايف شعب يتبع خبل
شاب راسي وتيهت كل السجج
قيم الركاع من ديرة عفج
ياحكومتنا الرشيدة ام الوقار
الفساد المالي عنوان الج صار
ندري جابوكم بدبابه وقطار
ليش ظليتوا سمج ياكل سمج
قيم الركاع من ديرة عفج
لازم انميز الزين من الزلم
وننتخب كلمن شهم صاحب علم
ونرفض الي يجي يوميه بفلم
من يشوف المنصب اشويه اندرج
قيم الركاع من ديرة عفج
LikeLike ·  · 

هناك 3 تعليقات:

pilotgis يقول...


رحم الله الشاعر عبود الكرخي .اكاد لا اصدق ان هذه القصيدة عمرها اكثر من 70 سنة لأن شخوص قصيدته ماثلين اليوم امامنا يجسدون كل ما ذكره الشاعر عن قبحهم ونتانة افعالهم

pilotgis يقول...

رحم الله الشاعر عبود الكرخي .اكاد لا اصدق ان هذه القصيدة عمرها اكثر من 70 سنة لأن شخوص قصيدته ماثلين اليوم امامنا يجسدون كل ما ذكره الشاعر عن قبحهم ونتانة افعالهم

حمزه الاسدي يقول...

كلام جميل وينطبق تماما على واقعنا العراقي الحالي وبدقه
فائقة ولكن هل ياترى في ذلك الزمان يوجد حكم وفساد
مثل هذا الذي نشهده في أيامنا هذه