إهي زهكة روح
د.غالب المسعودي
إهي...... إهي عفطة عنز.....إهي
زهكَة روح
سجينة ضلع
وبالضلع
جنهة تنوح
تجي وتروح
او ما تتلايم
كلي جروح
منثور الملح فوكيَ
أفزن من مشية القاري
يلوبح ظهرية....!
هو مو بس ملح........!
الملح الماتبزة الكَاع
جنة جفية عرس
اليشمهة يلوع
والمشتهي
يذب دموع
والماشي
يكَول
طين خاوة
يمشطون الشعر
بيه ..................!
وأنا أدري ألشعر وية الشعر
ما يتخاوون............
شأرتجي من الكَاع
غير الملح
أنا حبيتج
جنج ملح للكاع
أو وعي للكاع
أو صدك للكاع
جا لمن خلصن إسنيني
ترحين او تجافيني
أنا حبيتج
لمن يشتكي الموت من إلموت
إشكد ضام أسرار
بكَد بكثرهن ضام إعطور
وفوكَ هاي وذيج
أنا احلم بألسؤال
سؤالي
يجفل ألخاطر
جنة
برد كانون
أهو....والَكَيض متخاوين.........!
إو فوكَ هذا او ذاك
انا احلم يبووووو............ أشبية............؟
جا ما شفتي....................!
بدلة ألزفة
كحلج
وألعيون دموع
جا ما شفتي البعد
و ألعشكَ
إش............ سوة.......؟
ياكل إعظامي
وشوي............... شوي
يتهوة .................
وشوفي شوفي..........
شوفي
شوفي.............................!
إرموشج الزعلانة
إشكَد
عالت...................
مو انت اللي كلتي
إش رببك............ الله علية.............؟
مو انت اللي كلتي
ذبني بشط الحلة
او لا تقرة الفاتحة علية
ليش من النهر عطشان
تكوللي شسوي ..العطلة خلصت
تخلين الذيب يتنمرد علية.........!
ألدهرأليوم..............
صوب تفكتة
اعلى كَلبي
وكَال أرمي.................؟
كَتلة مو انت الموت.............!
إرمي............
هد تفكَتة
إو مات جدامي..................
شرد لبعيد................
هو يدري
المايخاف من الموت
عاشك
يتمنى للروح تطلع.........
إو ما تجي وتروح
أوتبقى تنوح
إهي غفطة عنز..............
لو شركَت لو غربت
الميت ما تميتة
جروح ...............
